卡娃的地荒＊

我的法文一B班同學仔喔!!真的很感謝你們對我卡娃的寵愛!!

再一次為星期五的缺席令你們感到挫折感而抱歉

看著你們為我準備的”搓搓樂”和這本”生日作業簿”我真的很感動

每一個在上面寫字的同學仔還更細心將每一字都寫上註音讓我學得更好!!

再一次謝謝你們!!

而我特別喜愛這個子涵給我的這個橘子!

剛入冬，有橘子，心好暖！

然後到重頭戲啦！搓搓樂！！

回到家就跟屋友一起瘋狂搓！！

真係乜都有，好好玩！！

如果當時我在班房跟同學一起搓就更好！

不過當我一講出這句話時，屋友MUSIKA就會斜眼對我說：

”你抵死，自己攞來的，講到唔清唔楚，搞到自己連蛋糕都冇得食，間接令我冇蛋糕食！”

哈！戰果如下： 

法文一Ｂ同學仔，多謝你們！！

卡娃愛你們！！

以下送上那天制服日的全數合照

方便同學仔們去瘋狂拿照片

再一次

我感到我的生活好美滿！

同樣，能在淡大遇上你們也是我的福氣！

.

話說我直踩到台南

得知GIGI同HONEY相約在高雄，我又繼續南下高雄

結果我地會合閒逛吹水行夜市

新堀江戈邊個夜市真係有少少似西門丁

都幾多野行幾多野食

然後分別同GIGI say pye再跟HONEY走佬

係HONEY讀書戈間的豪華”酒店”度過左一晚

發覺淡大同義大的宿舍真係冇得比!!

第二日同埋HONEY個朋友仔啊勇一齊出發西子灣

連踩幾小時單車遊了西子灣一圏去了好幾個景點來到一個不多人的堤壩吹左個好爽的海風

呢個堤壩又乾淨又靚沙又黑水又綠

我地去到時仲有人係度影結婚相添~~

真係景點中之最！

仲有上左"前清打狗英國領事館"

幾小時的單車行再加五六七層樓上到來

肯係對住個咸蛋黃坐番夠本

何謂"打狗"呢?

原來係以前日據時日本仔叫高雄的發音

不過點計"高雄"同"打狗"發音好似有一大段距離啵~

上圖係高雄捷運的美麗島站

真係好靚!

因為歷史原因

美麗島對台灣歷史意義重大

連捷運站都整得特別靚

行埋六合夜市

未夠三份一就已經投晒降

行到街尾已經斷腳

不過個木瓜牛奶真係好味得難忘!!

結果屁屁因踩單車而嚴重勞損，在高雄返台南的車程我學痞子蔡坐地下就算啦

第二次來高雄，發覺真係都係唔錯的地方

最重要係台南同高雄的溫度濕度加起來同澳門好相近

一到步就好有返到屋企的感覺

南巡結論係：

思家，就南下吧！

法蘭西文化總需要草地，綠油油，乾巴巴

坐下來，脫掉鞋，追逐一下，遊戲一番

感覺真好

用這樣有趣舒服的方式與法國留學生交流，真的好法蘭西～哈！

有這次活動要多得我們的系辦主任，一個有一個零食櫃讓學生食的可愛系辦主任，可愛之程度著住哈囉媽咪褲都不失搞鬼！

真的要感謝她，因為允許我去旁聽的也是她。

我猜已到了夏天的尾巴吧～風吹來好舒服～

這都是我的法文系同學喔！

另

好啦好啦，終於剪左啦。

呢個懶人頭ｇｅ精髓在於唔可以梳頭，大家唔好再迫我梳啦～～

P.S：一年過去，張狂的夢早該醒來

舊日我想飛，現在我的卻想活於汪洋裡

繞了一個圈，才明白這姿態的道理

很快就可以擺脫亂糟糟的長髮了!

p.s.我的CASA友正在威迫利誘我買風筒好令我肯去吹下頭從而進一步去梳下個頭

哼!我係唔會中計GE!!

卡娃兒的大學生活不但比中學時代有規律之餘，仲好輕鬆～

雖然修滿學分是為了將來可以更HEA，幸好現在一點負擔都沒有。還能夠在空課時走去八掛旁聽大二的課。

不過近來卡娃兒的修業重點看來不是法文，而是錯翻天的國語。

曾說過永不永不要去學好國語，因為怕自己有很重的台灣腔，可惜說得連話都談不上，哪可有腔個屁？

好了，的起心肝買了本台灣注音書，仲要係哈囉媽咪遊戲本～

（P.S.有誰不知我討厭哈囉媽咪？！因為只有這個版本，唯有買這個。）

誰知我翻開，見到好多公仔，卻一點都不會做…

而且是完全沒有概念…

見到好像亂碼一樣…

天啊，看來我一輩子都學不好

＝.,＝

各位俠士，借問邊位可以教下我？

CASA屋規：

白Ｄ靚Ｄ瘦Ｄ索Ｄ食少Ｄ瞓多Ｄ！

一班女仔住就可以癲到咁～

真係不得了！！

哈！

呢幾日不停做水魚被騙去根本唔洗點名ge地方燃燒脂肪

不過可以見到外面海報街有好多社團係度做宣傳招生

好好笑，有平有貴，真係乜野社團都有！

雖然係好熱好熱好迫好迫，但係咁多人一齊為興趣打拼，真係好有大學氣氛好開心！

除左自己系的社團會參之外，我心目中已經揀左幾個參加啦！哈！

我同羅拉在大學城街上離遠已見到好搶眼的飲品店就衝了過去，

除了靚靚姐姐的假睫毛誇張驚人之外，另一驚人的是２０元有１０００ｃｃ杯裝飲料…

羅拉話大杯到同我們家垃圾桶有得揮～搞到靚靚姐姐聽到都呆左～

結果，返到屋企…一邊望住個垃圾桶，一邊再望下杯拍得上垃圾桶的百香果紅茶…我忍唔住係咁笑～ｈａ！

尋日911，除左係我地海倫王生日之外，我日文系的屋友－－口袋都係同一日生日

我地比左個少少surprise佢～ｈｅｈｅ

生日快樂啊～911的壽星女們～

我們幾個學外語的屋友相處好融洽，不過簡單ｄ講，我地根本就係鬥白痴～ｈａ！

ｋａｗａｉｉ：口袋！哦咩打多！（日文”恭喜”發音）

口袋：呀ｌｉ家多！！（日文”多謝”發音）

ｍｕｓｉｃ：生日ｇｅ日文點講架？

口袋：ｘｘｘｘｘｘ（日文”生日快樂”發音）

羅拉：做咩要生日戈個自己講番ｇｅ？

＝,.＝

另

迎新大地遊戲熱到晒到快中暑，仲要學跳學校傳統風俗舞，轉到我暈駝駝

雖則係幾好玩兼玩到最後可以掟水蛋

但咁水魚ｇｅ野…下次咪搞我啦～～

尋晚同CASA友吹水吹到三點，七點起身去開學禮，一搞搞足大半日…

本來好想起唔到身就唔去，不過諗真Ｄ～始終係我第一次以大學生身份去開學禮～

就去戇居下囉～跟大隊去操場集合，再行下傳統的”克難坡”，係幾有學校感覺！

但開學禮上，見到教官獨Ｋ成為”咪霸”，戈種自戀情度真係幾多個靚模都拍馬追唔上。

然後有各系的新生訓練，見到台灣的學長姐們都非常熱情…

不過那種熱情我還未適應的來…慢慢來吧…

Ｐ．Ｓ．不想因天氣而磨滅我對生活的熱情

MI CASA = MY HOME (IN SPANISH)

這是我們CASA的客廳，每一個進來的人都會嘩嘩聲～

這是我身後的風景喔！

另一邊窗景

這客廳成為我們呆坐的超好地方！每天起來沖一杯咖啡，靜靜地吃著早餐，看一看雲色變化，新的一天又來了。

這是上圖梳化後的樓梯，我的房間也在上面～

客廳另一邊是廁所和士多房，沒有甚麼好提，然後便是我們的玄關，我們都放了記事板方便屋友留字～哈！

而面對玄關的三點鐘方向就是我們的開放式廚房，連接著露台

上層一細房和一勁大主人套房，下層另有一套房和一間復式房間，屋子基本上就是這樣。

生活基本習慣，與屋友也定好了屋規。正在要求房東太太為我們加建更多設施～哈～！

總之除了熱和體檢這兩項東西我受不了外，其他我都在享受當中～

大家都要好好努力好好過喔！

p.s: 常有鄰居會對我們僑生有好奇，想問我們來自哪兒，奇怪的是他們都愛用台語問…我真搞不懂他們想要我們回甚麼…

後來問多了”你是甚麼人？”

我就會答：”我是偷渡客。”